Skogsprinsessa

Men alt går ikkje som tenkt på kroningsdagen... Rykter og vonde tankar spreier seg i skogen, og plutseleg er det vanskeleg å vite kven som snakkar sant i den store skogen, kor kjem desse mørke tankane ifrå? Skogen treng hjelp frå nokon med eit vakent blikk: menneska.

Bli med inn i skogsriket og opplev eit spanande vandreteater for heile familien!

Eventyr i Parken er eit vestlandsbasert teaterkompani som sidan 2018 har jobba med å skape unike teateropplevingar for barn og unge ute i naturen. I 2021 vart kompaniet nominert til “Bergens beste barneoppleving” i BT, og i 2023 mottok kompaniet Bergen Teaterforenings pris "Rampeløkten" for sitt nyskapande arbeid. Eventyr i Parken inviterer no liten og stor ut, og inn i vår skogsverd for å sjå ting ikring oss, på ein heilt ny måte. Meir info: eventyriparken.no

PRAKTISK INFORMASJON

📍 Molde Vi møtes ved Grua, klare for å hjelpe Skogsprinsessa! Derfrå vandrar vi saman opp gjennom skogen med fleire magiske stopp undervegs. Eventyret endar i nærleiken av Storlihytta. (Turen tilbake er ikkje medrekna i varigheita på framsyninga)

📍 Ålesund Vi møtes på den store parkeringsplassen til Atlanterhavsparken, og eventyret startar! Det er også mogleg å parkere på parkeringsplassen ved Grusbanen (SIF/Hessa IL). Frå parkeringa til Atlanterhavsparken vandrar vi saman gjennom skogen med fleire magiske stopp undervegs. Eventyret endar ved Tuehuken Torg på Tueneset. (Turen tilbake er ikkje medrekna i varigheita på framsyninga)

🎒 Hugs!
Dette er eit vandreteater ute i naturen – heile forestillinga skjer utandørs. Kle deg etter veret, og sørg for at både store og små har gode kle som det går an å springe, leike og redde skogen i! Publikumet vårt har ulikt forhold til dyr, så det er fint om hunden får bli heime denne dagen. Vi vil bevege oss i noko ulendt terreng, vi anbefaler difor bæremeis framfor vogn, og gjer obs. på at ein må vere god nok til beins for ein tur i skog og mark. Ta gjerne med sitteunderlag, og noko smått å ete og drikke på i sekken, om det trengs litt påfyll undervegs.